ULMA Conveyor Components-ek GAZIMO monitorizazio sistema garatu eta patentatu du, arrabolen urruneko jarraipen bateratua egiteko.

Mantentze prediktiboa ahalbidetzen du, programatu gabeko geldialdiak saihestuz eta aldaketa kanpainen maiztasuna murriztuz.

Sistemak ematen duen informazioari esker, gainera, garraiatzailearen produktibitatea hobetuko duten osagaiak diseinatu eta doikuntzak egin daitezke.

ULMAk arrabolen gama zabala eskaintzen du, ohiko baldintzetarako zein ingurune zorrotzagoetarako diseinatua. Guztiak kalitate handiko osagaiekin eta fabrikazio-prozesu zorrotzekin ekoizten dira, eta gure obturazio-sistema propioak txertatzen dituzte; horiei esker, zigilatze eraginkorra, errodamenduen babes optimoa eta edozein aplikaziotan funtzionamendu fidagarri eta iraunkorra bermatzen dira.