Batzuetan, garraiatzaileak hiri inguruneetatik edo lan eremuetatik oso hurbil egoten dira, non gehiegizko zarata arazo bihurtzen den. 

ULMA Conveyor Components-en, garraiatzaileetako zarata murrizteko, arrabol berezi bat garatu dugu, bandaren eta arrabolaren azaleraren arteko kontaktuan ahalik eta leuntasun handiena bermatzeko, eta, horrela, inpaktu txikiak saihesteko. Hori lortzeko, tolerantzia eta mihiztadura oso zehatzak dituzten produktuak fabrikatzen ditugu, eta inpaktu txikiak minimizatzen dituzten prozesu eta osagai bereziak txertatzen ditugu.

ULMAk arrabolen gama zabala eskaintzen du, ohiko baldintzetarako zein ingurune zorrotzagoetarako diseinatua. Guztiak kalitate handiko osagaiekin eta fabrikazio-prozesu zorrotzekin ekoizten dira, eta gure obturazio-sistema propioak txertatzen dituzte; horiei esker, zigilatze eraginkorra, errodamenduen babes optimoa eta edozein aplikaziotan funtzionamendu fidagarri eta iraunkorra bermatzen dira.